Deer Kitchen (The Wave) (Closed)

呢間deer kitchen以小鹿為主題，入面佈置好有心思，有鳥籠造型既座位，感覺開陽充滿森林風～呢度lunch set性價比唔錯，包餐包、餐湯/沙律，同埋飲品。當日餐湯係蕃茄忌廉湯，餐包係脆脆既蒜蓉包。除左lunch之外，呢度仲有個好啱打卡既下午茶套餐🤩下次有機會都要黎試下～   1⃣️焗威靈頓三文魚（$238） 要等20-30分鐘。酥皮好香好酥🤤入面既三文魚焗得啱啱好～酥皮同三文魚之間仲夾左層菠菜蓉，令味道更加豐富。另外個底仲有紫薯蓉同埋蘆筍。紫薯蓉好綿～  2⃣️燒烤菇牛肉芝士漢堡薯條（$118） 大啡菇同牛肉漢堡呢個配搭真係冇得輸！大啡菇夠曬多汁，配上牛肉漢堡同芝士，一啖食落好滿足😋  3⃣️野菜天婦羅南瓜意大利飯（$108） 野菜天婦羅炸得夠脆，唔會好油。意大利飯調味好好味！入面仲有啲洋蔥粒、青紅椒絲，多汁食落又唔會覺得膩👍  4⃣️西班牙橡木果豬扒配虎蝦黑松露燒汁（$138） 豬扒切開係粉嫩既，食落口仲有肉汁😄而且豬扒都幾厚，仲有兩大塊。配埋大大隻虎蝦、紫薯蓉，好食！  5⃣️主廚特色小食拼盤（$188） 小食拼盤有薯絲蝦、芝士年糕、薯角、雞翼、魷魚圈、炸魚，配埋茄汁同埋塔塔醬。最鍾意個芝士年