郭仔記車仔麵 昌運中心

Open Now

Now Closed

今日同朋友喺大埔踩完單車就嚟咗昌運中心嘅郭仔記食車仔麵，車仔麵來講佢舖頭嘅環境都真係好企理乾淨，燈火通明嘅感覺。我同朋友做完運動都相當肚餓，我叫咗紅薯粉沙嗲小辣、牛柏葉、生炸雞髀、清甜蘿蔔同埋椰汁紅豆冰。而我朋友就叫咗粗麵沙嗲小辣、紅腸、生炸豬扒、水魷魚同椰汁紅豆冰。兩個對於美食嘅取向都好同步🤣車仔麵好快就上到嚟，賣相都好吸引，足料。試咗佢嘅生炸雞髀，真係出色，不過原本以為佢會另外搵個碟上，咁就可以保持佢嘅脆口，唔會浸林晒。蘿蔔入味清甜，好食。牛柏葉都正正常常幾好食。雖然只係叫小辣，但唔知係咪第一啖冇撈勻個辣汁，都相當辣下。值得一讚嘅係呢度除咗環境幾企理之外，佢提供嘅筷子都係獨立包裝，喺疫情期間真係俾咗人一個安心。