媽媽是素食者，喜歡傳統素食，
新派素就一般。最後揀左呢間幾十年老店。
門面如一般傳統老店，到處歲月痕跡
裡面整整齊齊，都係食餐飯
主要睇食物，而且只收茶芥無收加一架～
野食方面：
咕嚕蝦球味道正常，素蝦好彈牙，好食～
1
呢個炒翅因為幾特別，湯翅食得多，
炒都做到好好味，好香又有咬口。
酥炸生蠔係最上面個碟，好好食～
裡面有紫菜再加素肉（估咋）好似蠔架～
飯我地叫左福建炒飯，好大碟
每人起碼4-5小碗，好食～
最後佢晚飯會送自家甜品（齋期及公眾假期除外）
今晚係芋頭西米露，呢個真心好好食～
芋頭煲到溶晒，絕對唔係溝水個d甘希。
埋單大$374，已經加左每位$6茶芥。
店員都好好人，會介紹野比你食～
雖然可能你2位就要有機會搭檯。
但食物質素係真心好！
佢有2人餐（1湯2餸）
3人餐（1湯3餸）可以揀，相對抵一點～
2
不過第一次去有d餸想試佢個餐無，下次吖～一定會再去～
