Video
Read full review
2010-01-27
16 views
呢間食肆開左都有大約半年,主要都係同事午飯時幫襯開介紹,近數月我先較頻密幫襯。我最鍾意就係菜色少茨汁,唔鹹得o黎又夠惹味,價錢又唔貴店內服務又親切,主要係事頭婆好鬼識講笑又夠幽默,加埋佢同我都係【自家人】。有時幾個人午餐時,提早打電話俾事頭婆叫小菜,每個小菜都係四十元左右,鑊氣又夠又新鮮,好多時事頭婆好識做,仲會遷就我 o地特登去街市買(食送)菜添!你o地話呢種咁貼心服務又可以去邊道搵丫?!我首推唔使講都係【涼瓜排骨飯】,(食送)菜與白飯同碟分開擺 , 呢樣我最鍾意 , 加埋茨汁唔多唔會食哂茨汁入肚 , 真係人都健康好多。另每日不同材料無味精靚例湯,涼瓜斜切夠薄炒得唔苦夠爽,排骨應該係走過油,肉唔梅有口感調味出色。例湯我除o左間唔中o既【豬肺湯】我唔飲之外,其他例湯我都會好鍾意飲,特別係番茄薯仔豬骨湯我最 like , 其次就係青紅蘿蔔豬骨湯。現場除【自家人】o既事頭婆外 , 仲有兼職少女工【阿儀】,【阿儀】芳齡17歲就快18歲 , 做o野勤力又聽話 , 深得事頭婆歡心。我仲成日同事頭婆講笑 , 叫事頭婆不如搵【阿儀】做童養媳添...笑爆!另外呢道仲有一樣o野多人食 , 就係各式酸
有時幾個人午餐時,提早打電話俾事頭婆叫小菜,每個小菜都係四十元左右,鑊氣又夠又新鮮,好多時事頭婆好識做,仲會遷就我 o地特登去街市買(食送)菜添!你o地話呢種咁貼心服務又可以去邊道搵丫?!
我首推唔使講都係【涼瓜排骨飯】,(食送)菜與白飯同碟分開擺 , 呢樣我最鍾意 , 加埋茨汁唔多唔會食哂茨汁入肚 , 真係人都健康好多。另每日不同材料無味精靚例湯,涼瓜斜切夠薄炒得唔苦夠爽,排骨應該係走過油,肉唔梅有口感調味出色。
例湯我除o左間唔中o既【豬肺湯】我唔飲之外,其他例湯我都會好鍾意飲,特別係番茄薯仔豬骨湯我最 like , 其次就係青紅蘿蔔豬骨湯。
現場除【自家人】o既事頭婆外 , 仲有兼職少女工【阿儀】,【阿儀】芳齡17歲就快18歲 , 做
o野勤力又聽話 , 深得事頭婆歡心。我仲成日同事頭婆講笑 , 叫事頭婆不如搵【阿儀】做童養媳添...笑爆!
另外呢道仲有一樣o野多人食 , 就係各式酸辣米線 , 又大碗賣相又好 , 但我因為唔鍾意食米線 , 所以未親身食過 , 下次我一定會試下o既!
不過稍為美中不足o既 , 就係茶水方面一般水準 , 尤其奶茶及凍檸茶 , 相信要再改善一下先得 , 所以我依家每次去幫襯 , 都係唔飲水吧茶水齋飲湯算數。
呢道主要做外賣 , 大家有興趣真係要試下 , 廿零三十蚊仲想點丫...哈!
Post
