釜之魂釜飯專門店 (淘大商場) (Closed)

淘大有好多美食，由中日韓到西式都有，可謂係一個美食小天地，所以小胖常去果到找尋美食，今次小胖就食咗間不一樣的日式料理店。佢的主打唔係常見的壽司，刺身咁，而係日式釜飯。小胖和友人分别叫咗蒲燒鰻魚釜飯和日式叉燒釜飯，另外仲叫咗兩個小食，梅子手羽先同吉列紫薯餅佢的蒲燒鰻魚釜飯的鰻魚肉質肥美厚實，配埋甜甜的鰻魚汁，好食，而且價錢唔貴。而佢的叉燒亦都不錯，係厚切叉燒，唔係薄薄地一塊的，而且分量都幾多。其實釜飯姐係日式煲仔飯，和平時的日本丼飯不同，因爲有用高湯去煮，所以佢的味道係淡香淡香的，而且咬落煙韌有咬口，食到底的時候仲會食到脆香的飯焦，不錯。佢飯的分量都好多，我地都食唔完。佢的小食梅子手羽先，姐係梅子味的雞翼，好特别，酸酸甜甜，清新不油膩，而佢的吉列紫薯餅，炸粉唔會過厚，亦無炸過火，紫薯的淡甜配埋香脆的表皮佢的坐位好闊落，幾好坐，另外佢唔係俾水或茶，而係俾味噌湯同芽菜當小點俾你，咁你食飯時就可配湯和清爽芽菜一齊食