老地方果汁

Open Now

Now Closed

深水埗除咗多電器商品賣，都有唔少小食同街頭飲品，有得行又有得食，都不失為消磨時間嘅一個選擇。早排又去咗深水埗，咁啱行個陣又未到食飯時間，但天氣又熱熱地，又買咗小食有啲口渴，就係周圍兜下睇有咩飲品。青蘋果滿天星佢係滿天星蒟蒻特飲系列其中一款。普通size要＄19，加大就要＄21。其實以小店飲品而言都頗貴，印象中係葵涌廣場頂樓飲品店＄10或以下都買到一杯。平時都有飲珍珠奶茶、黑糖乜乜乜，所以再貴啲都買過，但以同類型飲品而言，呢間店嘅飲品真係有少少貴。呢杯入面有唔同色嘅蒟蒻，口感偏硬，不過不失。而青蘋果汁酸度較重，都飲到少少果渣。