Video
Read full review
2023-02-15
555 views
餐廳：The Vigor (尖沙咀)地址：尖沙咀金巴利道35號金巴利中心地下B號舖尖沙咀金巴利道一向都有好多各式各樣嘅餐廳🍽，最近見到有間門面幾搶眼、招牌非常出眾嘅多國菜平民餐廳——The Vigor，原來佢哋喺厚福街嘅外賣店開咗2年之後，近2個月搬咗過嚟呢度化身成有得堂食嘅小餐廳🍴入到餐廳就感受到好客之道，友善嘅店員同食客有講有笑，相信呢兩年都吸引咗一班熟客仔🤓，打開餐牌，見到好多平價食物：精選炒粉麵飯、皇牌烤焗飯/意粉🍝、特式炒意粉、鐵板餐、多元化嘅燒烤美食同小食……大部份粉麵飯都喺四十幾至六十幾蚊，百幾蚊嘅鐵板餐仲包埋蒜蓉包、餐湯、薯角、洋蔥圈同餐飲，咁嘅價錢難怪吸引咁多人過嚟幫襯啦😍✝️原條照燒鰻魚拼香煎珍寶帶子 $198如果有去開街市買餸，都知道買一條大條又厚肉嘅鰻魚都要成一百蚊，呢度嘅原條鰻魚長度同鐵板嘅長度一樣長，厚度有接近1-2cm，以日式照燒嘅做法，照燒汁唔會加太重手而蓋晒鰻魚本身嘅鮮香👍，仲要嫩滑無骨，加上鐵板上熱辣辣🔥，唔使再加其他醬汁都已經好惹味，如果配埋白飯就一流😋。另外仲有兩粒鮮甜香煎過嘅帶子，而薯角同洋蔥圈香脆得嚟唔會好重油膉味，唔會食到成口油，同時又增加飽
地址：尖沙咀金巴利道35號金巴利中心地下B號舖
尖沙咀金巴利道一向都有好多各式各樣嘅餐廳🍽，最近見到有間門面幾搶眼、招牌非常出眾嘅多國菜平民餐廳——The Vigor，原來佢哋喺厚福街嘅外賣店開咗2年之後，近2個月搬咗過嚟呢度化身成有得堂食嘅小餐廳🍴
入到餐廳就感受到好客之道，友善嘅店員同食客有講有笑，相信呢兩年都吸引咗一班熟客仔🤓，打開餐牌，見到好多平價食物：精選炒粉麵飯、皇牌烤焗飯/意粉🍝、特式炒意粉、
鐵板餐、多元化嘅燒烤美食同小食……
大部份粉麵飯都喺四十幾至六十幾蚊，
百幾蚊嘅鐵板餐仲包埋蒜蓉包、餐湯、薯角、洋蔥圈同餐飲，咁嘅價錢難怪吸引咁多人過嚟幫襯啦😍
✝️原條照燒鰻魚拼香煎珍寶帶子 $198
如果有去開街市買餸，都知道買一條大條又厚肉嘅鰻魚都要成一百蚊，呢度嘅原條鰻魚長度同鐵板嘅長度一樣長，厚度有接近1-2cm，以日式照燒嘅做法，照燒汁唔會加太重手而蓋晒鰻魚本身嘅鮮香👍，
仲要嫩滑無骨，加上鐵板上熱辣辣🔥，唔使再加其他醬汁都已經好惹味，如果配埋白飯就一流😋。
另外仲有兩粒鮮甜香煎過嘅帶子，而薯角同洋蔥圈香脆得嚟唔會好重油膉味，唔會食到成口油，同時又增加飽腹感。
跟餐嘅餐湯叫咗羅宋湯，入面勁多蔬菜足料到爆🤣，餐廳自己煲，清甜微辣唔似出面有啲勁重味精，抵讚😌
✝️冬蔭功豬頸肉炒意粉 $62
本身以為呢個價錢份量唔會好多，點知食到七七八八其實都幾飽肚🙈。
一入口已經有香辣突出嘅冬陰功香味🌶，出面好少意粉會有呢種泰式口味，特別得嚟同意粉又幾match，當中有啲爽嫩嘅豬頸肉條，份量就唔算太多，仲有翠玉瓜、洋蔥、車厘茄等配料，算幾抵食🤑
✝️鐵板照燒一口牛 $45
本身以為喺鐵板上點知原來喺碟上，雖然有少少失望🤏，不過一口牛嘅惹味又贏番唔少分數😆，
以照燒汁燒香帶有些少少筋部同脂肪嘅一口牛粒，牛肉味都幾香濃而且有咬口，另外仲有唔少雜菌，芝麻亦增添咗香味同口感層次，嚟到不妨一試
Post
