海港薈

Open Now

Now Closed

慶祝周年的早上，決定去尖咀望住個靚景嘆左早茶先繼續行程。海港薈是舉辦婚宴熱門場地。環境一邊全是落地大玻璃，望落非常開揚。茶位每位$15點心方面傳統及新派點心都有，點心定價由$22-$48左右。西班牙黑毛豬叉燒包 $48叉燒包仔細細個、爆餡！叉燒多汁味道濃郁。鮮蝦豆苗餃 $38 外皮較軟，有蝦肉、豆苗，口感爽口彈牙。原隻鮑魚燒賣皇 $38原隻鮑魚夠貴氣，燒賣內裏有大大粒蝦肉、冬菇。鮑魚花膠灌湯餃 $48灌湯餃幾足料，原隻鮑魚，同埋大大片花膠飲落充滿骨膠原，不錯。鮮蟹肉粉絲煲 $68粉絲吸晒味，蟹肉量也很多。抵食惹味之選。4個點心加一個炒粉絲，食飽飽$300有找。