Video
Read full review
2022-05-21
59 views
星期五晚終於可以出街食飯喇，我同朋友買咗戲飛喺iSQUARE睇戲，所以就順便喺商場搵嘢食。實不相瞞我哋好耐都冇嚟過呢個商場，因為佢近年十室九空🙈，不過講到最旺場嘅餐廳非「上海婆婆336」莫屬。餐廳佔地面積非常大，分咗兩邊用餐區域，但基本上全場爆滿，人氣極高👏，可算係同商場形成強烈對比，哈哈。呢度係一間新派上海菜館🥢，行工業風裝修風格，簡單舒服唔造作。餐廳採用QR Code落單📱，但同時亦提供實體餐牌，以方便參閲。齋睇定價我已經覺得餐廳好鬼抵食，大部份菜式一百蚊有找，而且佢哋全部都大大碟，實屬性價比高👍。四川蕃茄牛肉($75)，餐廳有唔少牛肉菜式，我揀咗蕃茄呢款🍅，因為比較少見，不過佢唔係港式蕃茄湯通粉嗰隻味道。另一邊廂，辣度亦有得揀，小辣果然符合期望，老少咸宜，但都要小心辣椒啊。最後，我想講主角牛肉多到一個點🥩，粗略估計可能有接近廿片，而且每片大小厚薄適中，牛味濃郁，肉質細嫩。佢份量仲多過出面餐廳幾百蚊一大窩嗰啲水煮菜式！小排骨擔擔麵($68)，餐廳有多款麵食選擇🍜，佢嘅拉麵係手造，而非機制，誠意十足。麵條長長的，麵質軟身，掛湯度高。擔擔湯底偏杰身，花生醬味濃稠，但就唔算好辣，所以食落
星期五晚終於可以出街食飯喇，我同朋友買咗戲飛喺iSQUARE睇戲，所以就順便喺商場搵嘢食。實不相瞞我哋好耐都冇嚟過呢個商場，因為佢近年十室九空🙈，不過講到最旺場嘅餐廳非「上海婆婆336」莫屬。
餐廳佔地面積非常大，分咗兩邊用餐區域，但基本上全場爆滿，人氣極高👏，可算係同商場形成強烈對比，哈哈。呢度係一間新派上海菜館🥢，行工業風裝修風格，簡單舒服唔造作。
餐廳採用QR Code落單📱，但同時亦提供實體餐牌，以方便參閲。齋睇定價我已經覺得餐廳好鬼抵食，大部份菜式一百蚊有找，而且佢哋全部都大大碟，實屬性價比高👍。
四川蕃茄牛肉
$75
2 views
0 likes
0 comments
小排骨擔擔麵($68)，餐廳有多款麵食選擇🍜，佢嘅拉麵係手造，而非機制，誠意十足。麵條長長的，麵質軟身，掛湯度高。擔擔湯底偏杰身，花生醬味濃稠，但就唔算好辣，所以食落都幾飽滯。🍖小排骨分開碟另上，佢堅係排骨，而唔係炸豬扒，口感唔乾身。
麻辣雞絲粉皮($68)，雞絲粉皮好清爽，適合夏天食，好消暑☀️。醬汁可選擇分開上，自行決定落幾多。麻辣溝芝麻醬好夾，估唔到辣度都幾明顯，但麻醬中和返又OK。粉皮煙韌爽彈，撈埋雞絲同青瓜絲食好味道🐔。
黃金四季豆($72)，四季豆煮得夠淋，無臭青味，而外層就沾滿流沙鹹蛋黃醬🍳，每條都好均勻入味，邪惡到爆啊😈。但兩條友食晒成碟，食到尾就有少少膩。
上海酸辣湯
$45
1 views
0 likes
0 comments
青花椒湯雲吞($50/8粒)，🥟雲吞仔細細隻，皮薄滑溜，肉餡飽滿。不過講到令人印象深刻嘅莫過於個青花椒湯底，佢微微辣，但麻味就好強。呢個正正係青花椒特色，值得一試。
婆婆生煎包($38/3隻)，生煎包屬正常發揮，咬落有爆汁嘅效果💦，但就未算好有驚喜。如果唔係嗌咗雲呑，我會食小籠包，話晒係傳統上海點心嘛。
高力豆沙
$48
7 views
0 likes
0 comments
總括嚟講，上海婆婆336好高質，讓人喜出望外😍。佢座落於尖沙咀大商場內，但竟然以大眾化價錢，為大家帶嚟正宗上海美食🇨🇳。餐廳名叫336，諧音為謝謝儂，銳意做好每一道菜色以答謝顧客嘅支持，佢果然做得到！
Post
