Burgeroom (美麗華廣場1期) (Closed)

約了朋友去i Square睇戲，先去附近依肚先，我們去了美麗華的burgeroom，簡單又快捷。我點了一個雙層牛肉芝士漢堡，漢堡包十分巨型，本身已經一開為二，方便食用，麵包略略烘過，帶點微暖。牛肉有成寸厚，肉質結實且有肉汁，份量十足，我一個大男人幾乎食唔哂。朋友因宗教信仰不吃牛肉，所以點了個香脆鱈魚柳漢堡，鱈魚外層用炸漿包住炸過，外脆內軟，肉質嫩滑且肉厚。另外我們都叫了些小食，包括食快餐必備的粗薯條，粗薯炸得香脆，份量足二人分享。其他小食包括布里芝士餅，份量較少但非常好味，外脆內軟，裏面包著的是水牛芝士，一咬開芝士醬溶化流出來。最後加埋個雞肉條配蜜糖燒烤醬，雞肉條外層炸得鬆脆，肉質不似某大連鎖集團得舊粉，相反就係食出雞肉的肉質，燒烤醬惹味，點雞肉條及薯條味道都不錯。雖然價錢比一般burger店貴，但份量十足，一個等於出於個半，而且味道高質，尖沙咀區burger首選。