Read full review
2024-09-07
236 views
今日放早,特登約咗朋友去一間好有格調嘅Cafe食嘢。入到去成個環境格局都好舒適,每張枱都點住一啲蠟燭,間餐廳好多木嘅元素令人好放鬆舒服。第一時間睇吓有咩食,見到Menu好多選擇之餘,價錢亦都親民。太肚餓嘅關係,即刻叫咗一客黑松露薯條,蒜蓉牛油雞翼,蟹肉大啡菇。個薯條一上到嚟,勁大兜,本身仲諗住唔夠食添🥲黑松露味好香,薯條炸得香脆。大啡菇上面全部都係蟹肉,食得出海水味,亦都口感豐富好食。蒜蓉雞翼隻隻都飽滿大隻,識落入面都好多汁,最怕啲乾柴雞翼🤣跟住到主食,我哋加咗其中一個主食做set,只係加$40就可以有餐湯餐包飲品同埋甜品。今日餐湯係紅菜頭湯,見我朋友肥咗咁多,梗係讓俾佢飲啦健康一下呀嘛🫶🏻煮食我哋揀咗鵝肝牛肝菌闊條麵,卡邦尼意粉。鵝肝一大片,同個牛肝菌闊條麵非常之夾,鵝肝嘅油撈埋個牛肝菌闊條麵味道好濃郁好順滑🥰卡邦尼意粉,個汁都好濃郁,意大利粉煮得偏硬身係我鍾意嘅口感,好掛汁。佢仲有好多嘅煙肉粒,好大方。最後上咗個藍莓芝士蛋糕作結,食落好Creamy,亦都唔會太甜,好食😁到我哋走嘅時候,餐廳已經坐滿晒人,好彩早少少嚟啫,下次會再encore !
入到去成個環境格局都好舒適,每張枱都點住一啲蠟燭,間餐廳好多木嘅元素令人好放鬆舒服。
第一時間睇吓有咩食,見到Menu好多選擇之餘,價錢亦都親民。
太肚餓嘅關係,即刻叫咗一客黑松露薯條,蒜蓉牛油雞翼,蟹肉大啡菇。
個薯條一上到嚟,勁大兜,本身仲諗住唔夠食添🥲黑松露味好香,薯條炸得香脆。
大啡菇上面全部都係蟹肉,食得出海水味,亦都口感豐富好食。
蒜蓉雞翼隻隻都飽滿大隻,識落入面都好多汁,最怕啲乾柴雞翼🤣
跟住到主食,我哋加咗其中一個主食做set,只係加$40就可以有餐湯餐包飲品同埋甜品。
今日餐湯係紅菜頭湯,見我朋友肥咗咁多,梗係讓俾佢飲啦健康一下呀嘛🫶🏻
煮食我哋揀咗鵝肝牛肝菌闊條麵,卡邦尼意粉。
鵝肝一大片,同個牛肝菌闊條麵非常之夾,鵝肝嘅油撈埋個牛肝菌闊條麵味道好濃郁好順滑🥰
卡邦尼意粉,個汁都好濃郁,意大利粉煮得偏硬身係我鍾意嘅口感,好掛汁。佢仲有好多嘅煙肉粒,好大方。
最後上咗個藍莓芝士蛋糕作結,食落好Creamy,亦都唔會太甜,好食😁
到我哋走嘅時候,餐廳已經坐滿晒人,好彩早少少嚟啫,下次會再encore !
Post