Video
Read full review
2009-08-31
35 views
自問唔係好識食, 會周圍搵野食既食家.我既意見, 唔專業, 但應該代表了某部份同我一樣不太會講究的普羅大眾.我既要求好簡單, 就係好食, 抵食, 唔駛等食.基於呢幾個條件, 尖沙咀呢個地區雖說有大把美食, 但對小妹來說往往揾食艱難.唔係太高檔, 就係唔抵食, 好食又抵食果D又經常要等位.上星期去完電腦展, 已經無乜精力.上網搵下食咩好, 見到彩雲軒新上榜, 就唔理三七廿一衝上新港.見到鼎泰豐出面排晒大隊.. 其實食餐飯, 做咩要咁辛苦!?入到彩雲軒, 都估唔到, 全院滿座.心諗: 唔係呱, tst 呢d年青人飯聚既地方, 連酒樓都咁受歡迎!?知客姐姐似有天眼, 即刻話呢排唔知點解多左好多後生仔女黎食飯.我同佢講, 可能因為佢上左openrice好評榜.知客姐姐一臉狐疑, 大概都唔知咩叫openrice.好彩, 我同男友2人, 好快就有張細檯.根據其他食家既推介, 我揀左個皮蛋豆腐, 麻辣牛肚.唔知點解我個皮蛋豆腐同其他人食果個不太一樣(見圖),不過我非常欣賞師傅可以將豆腐切到超薄!豆腐的確如其他食家講的好滑. 當然, 滑既豆腐一般都欠d豆香, 但襯埋d溏心皮蛋同麻醬, 好好味.牛肚既醬
我既意見, 唔專業, 但應該代表了某部份同我一樣不太會講究的普羅大眾.
我既要求好簡單, 就係好食, 抵食, 唔駛等食.
基於呢幾個條件, 尖沙咀呢個地區雖說有大把美食, 但對小妹來說往往揾食艱難.
唔係太高檔, 就係唔抵食, 好食又抵食果D又經常要等位.
上星期去完電腦展, 已經無乜精力.
上網搵下食咩好, 見到彩雲軒新上榜, 就唔理三七廿一衝上新港.
見到鼎泰豐出面排晒大隊.. 其實食餐飯, 做咩要咁辛苦!?
入到彩雲軒, 都估唔到, 全院滿座.
心諗: 唔係呱, tst 呢d年青人飯聚既地方, 連酒樓都咁受歡迎!?
知客姐姐似有天眼, 即刻話呢排唔知點解多左好多後生仔女黎食飯.
我同佢講, 可能因為佢上左openrice好評榜.
知客姐姐一臉狐疑, 大概都唔知咩叫openrice.
好彩, 我同男友2人, 好快就有張細檯.
根據其他食家既推介, 我揀左個皮蛋豆腐, 麻辣牛肚.
唔知點解我個皮蛋豆腐同其他人食果個不太一樣(見圖),
不過我非常欣賞師傅可以將豆腐切到超薄!
豆腐的確如其他食家講的好滑. 當然, 滑既豆腐一般都欠d豆香, 但襯埋d溏心皮蛋同麻醬, 好好味.
牛肚既醬料都好惹味, 而且唔會太辣, 我呢個唔太食得辣既人都食到.
之後點左個叫"求其君子"既小菜, 純粹貪得意~ 原來係苦瓜釀魚肉.
本身唔好苦瓜, 亦怕釀魚肉有惺味.
但呢個求其君子一d都唔求祈, 賣相不錯, 苦瓜唔苦, 係甘甘地, 魚肉無惺味, 而且好彈牙, 仲以為係豬肉.
menu仲有一個好搞野既小菜叫"豉豉旦旦", 下次或許再試下~
重點推介係今晚既重頭戲: 果皮蒸咸鮮黃魚
咸鮮魚, 其實係咸魚d fd. 一樣係用鹽"醃"過既魚.
唔同既係咸鮮魚唔係晒到乾晒先食既魚, 所以仍然保持嫩肉.
以前係大陸食過, 覺得好正, 估唔到香港都食得到.
魚好滑, 魚肉帶點咸, 加埋果皮, 送飯一流!
最後因為太飽, 食唔落推介既心太軟, 叫左幾杯仔凍冰冰既甜品.
推介桂花榚.
甜品賣相似曾相識, 先知道原來同我至愛的V CUISINE同一集團.
食到捧住個肚, 唔駛等位又好味, 都係$120一個人, 尖沙咀區去邊到搵.
Post
