DKLM Bar & Restaurant (Closed)

位於尖沙咀金巴利道的MW Plaza, 地點十分方便, 而且樓上舖的關係, 唔算多人, 十分適合朋友聚會。香煎三文魚伴蕃茄忌廉意粉, 三文魚外層煎得香脆, 內層嫩滑, 配上甜酸比例恰當的蕃茄忌廉意粉, 好好食! 覺得份量可以再多D, 因為真係太好食。安格斯牛肉迷你漢堡伴車打芝士及松露薯條, 松露薯條即炸即食十分香口, 松露味亦都好香濃, 而安格斯牛肉迷你漢堡就細細件好得意, 味道唔錯。安格斯肉眼牛扒伴香菌燒汁, 叫左五成熟, 黎到煎到岩岩好, 同埋都幾大塊, 好適合同朋友分享一齊食。美國極黑豬扒伴黑醋燒汁, 豬扒有驚喜! 好怕食到好柴的豬扒, 但依塊唔會, 軟硬適中仲有少少肉汁, 配上黑醋燒汁味道好夾, 另外配菜有薯條同沙律菜, 自己一個食都幾飽。星期六下午唔算多人,同埋果度有間K房可以唱K, 相信好適合一大班朋友食飯傾計飲下酒。