MUTA Restaurant by ATUM (Closed)

呢間MUTA Restaurant 長期都好受歡迎，人氣好高👀餐廳位處美麗華商場地庫，面積都幾大裝潢好日式，四周都係綠植🌿 洋溢溫暖舒適嘅情調再走入餐廳裏面就會見到榻榻米座位建議要book定位，我6點入座榻榻米位已坐滿人，好搶手到差唔多7點，餐廳外面已經開始排隊😯呢度係食西日fusion菜，無論係主食同甜品都好啱打卡🫢✦ 蟹肉蟹膏甲羅燒燉飯 $178喺Risotto上放上甲羅燒蟹蓋上裝滿蟹膏同蟹肉，份量好多好足料多到好似唔洗錢咁🤣先撈勻蟹肉同蟹膏，再𢳂一羹食最後撈埋落Risotto一齊食，濃郁鮮甜，香氣逼人🦀Risotto煮得啱啱好，米芯彈牙，啖啖蟹味， 入口勁滿足🥰✦ 培根蛋黃奶油貓耳麵 $138貓耳麵口感煙韌唔會過稔，好掛汁落咗唔少Parmesan Cheese🧀 好creamy厚切煙肉係用豬面頰肉，肉味更濃煎香過後焦脆帶韌度，鹹香滋味😚✦ 蜜柑雪葩﹒柚子蛋白霜﹒檸檬醬 $88好有美感嘅擺盤💓 💯依家正值蜜柑當造，份外甘甜伴碟日本蜜柑甜度高，水份飽滿雪葩冰涼透心，味道清新🍊檸檬醬帶黏性，平衡蜜柑嘅甜🍋✦ 季節限定甜品 $88 今季限定甜品係燕麥金寶柚子慕絲估唔到係以芭菲杯呈上🍨