柏 (Closed)

終於考完試喇🥳同朋友到訪呢間係尖沙咀插旗嘅居酒屋，好好慰勞一下受考試暴擊嘅心靈🏮 食完成餐真心叉滿電，又可以準備開sem了🔋餐廳嘅刺身2人盛合(5點) ($320) 係會根據當季時令食材而挑選，當日嘅係金目鯛、赤身、深海池魚、鯖魚同油甘魚，整體嚟講都新鮮鮮甜，深海池魚有口感，自己最鍾意嘅就係油甘魚嘅魚油香同金目鯛嘅魚味💗 當日仲有嚟自兵庫縣嘅牡蠣 ($106)，食落去海水味偏重，口感偏爽口，落啲青檸汁就啱晒🤪跟住上嘅鵝肝鰻魚卷 ($168) 一上枱就超香，啲木魚碎成座山咁多😂鰻魚肉夠肥美，鵝肝嘅味道唔算好濃厚，食落去都唔會好膩😛A4和牛壽喜燒 ($388) 一上枱已經見到和牛油脂分布平均，一上菜後就會有專人負責席前烹製，一路望住佢煮望住啲和牛已經流晒口水🤤 煮好之後店員仲會幫手撈埋蛋汁，一放入口完全就係幸福嘅味道😚 和牛油脂香加埋蛋香，同壽喜燒汁撈埋真心一流🥳除咗壽喜燒，佢哋啲串燒都好惹味，手羽先($38)、雞腎($38)、牛舌($48)、燒白鱔串($68)、雞髀菇($30)同蘆筍($30)🍢全部淨係用簡單嘅鹽同黑椒調味，但係食材夠靚，師傅都好有功力，尤其係白鱔嘅皮烤得好脆，雞翼亦都保