鮨白鳥 (Closed)

• 和牛海膽丼 ; 豪華刺身定食🍱•💵Price: $368 ; $298-尖沙咀棉登徑一向都多日本餐廳既選擇，個日行過發現原來默默地又新開左間日式料理店叫「鮨白鳥」。雖然新開但人流都算幾旺，所以就吸引左我入去試下佢既lunch set喇！佢午市期間除左有兩款omakase之外，仲供應一系列壽司料理同海鮮丼飯定食，定價由港幣148元起至港幣458元。我就order左個豪華刺身定食同和牛海膽丼，兩個set都有沙律、茶碗蒸、湯同甜品。首先講下個刺身定食，一共有六款新鮮刺身，包括真鯛、油甘魚、帆立貝、牡丹蝦、拖羅同海膽，全部都好新鮮，而且件件都厚身肥美。不過我最鐘意既都係個和牛海膽飯，當中既和牛用上九州熊本A5「和王」，係佢地其中既一款招牌！呢款牛種必需飼養28個月以上，並獲得A5或A4等級，同埋油花等級都要達到一定既標準，先可以稱之為「和王」。睇下相入面個牛既油花分布真係好均勻好靚，食落牛味亦相當濃郁，配上佢地秘製既醬汁同鮮甜既馬糞海膽，真係好好食好滿足阿🤤🤤