Video
Read full review
2024-03-07
22 views
今日同朋友喺尖沙咀行完街，去咗加連威老道一間叫So Bar嘅酒吧，呢間酒吧同隔籬間叫蘇媽嘅馬來西亞餐廳係連住一齊，入面間餐廳環境好光猛，但出面間酒吧嘅燈光就好昏暗好有氣氛，最啱同朋友食完嘢之後飲番杯酒chill下。我哋嗌咗BBQ汁燒豬肋骨、燒豬頸肉、雞串燒拼盤同兩杯signature cocktail。燒豬肋骨嘅份量好大，肋骨之間嘅肉燒得好腍，用刀輕輕一切就已經切得開，同甜甜地嘅BBQ汁好夾，伴菜亦都有炸得好香口嘅薯角，食完都已經飽飽地。燒豬頸肉都燒得好香脆，肉同油脂嘅分布平均，配上一個酸甜醬中和咗油脂嘅肥膩感。雞串燒拼盤有燒雞皮、土匪雞肉串同地獄麻辣雞肉串各兩條，雞皮燒得香脆可口，食落去好惹味，土匪既味道都好出，但我哋唔係幾食得辣，串地獄麻辣雞肉食左幾粒就已經辣到頂唔順了。Signature cocktail我哋嗌咗Awakeing earl gray同Black and white。Awakeing earl grey上枱時用一個玻璃樽套住杯酒，入面包住佛手柑味嘅煙做煙燻嘅效果，職員打開玻璃樽嘅時候一陣濃烈嘅佛手柑味充斥住成個鼻腔，酒杯上面有一塊檸檬味嘅威化餅，印住杯cocktai
我哋嗌咗BBQ汁燒豬肋骨、燒豬頸肉、雞串燒拼盤同兩杯signature cocktail。燒豬肋骨嘅份量好大，肋骨之間嘅肉燒得好腍，用刀輕輕一切就已經切得開，同甜甜地嘅BBQ汁好夾，伴菜亦都有炸得好香口嘅薯角，食完都已經飽飽地。燒豬頸肉都燒得好香脆，肉同油脂嘅分布平均，配上一個酸甜醬中和咗油脂嘅肥膩感。雞串燒拼盤有燒雞皮、土匪雞肉串同地獄麻辣雞肉串各兩條，雞皮燒得香脆可口，食落去好惹味，土匪既味道都好出，但我哋唔係幾食得辣，串地獄麻辣雞肉食左幾粒就已經辣到頂唔順了。
Signature cocktail我哋嗌咗Awakeing earl gray同Black and white。Awakeing earl grey上枱時用一個玻璃樽套住杯酒，入面包住佛手柑味嘅煙做煙燻嘅效果，職員打開玻璃樽嘅時候一陣濃烈嘅佛手柑味充斥住成個鼻腔，酒杯上面有一塊檸檬味嘅威化餅，印住杯cocktail 個名「Awakeing earl grey」，又有印住「SO」字樣嘅冰塊代表So Bar呢間酒吧，成杯酒嘅視覺效果好好，而杯酒係由伯爵茶做蒸餾嘅gin、意大利佛手柑利口酒同夏翠絲利口酒調配而成，高濃度嘅烈酒令呢杯cocktail飲落去嘅時候都幾濃烈，但又略帶柑橘香味同淡淡嘅苦味同花香。另一杯Black and white係用咖啡味vodka同Mr Black冷萃咖啡酒做base，表面有一層可可粉，上面有一層由牛奶同cream打成嘅泡泡，飲落去係充滿咖啡香味嘅酒。呢間bar嘅cocktail都幾有特色，係尖沙咀飲嘢嚟講都係個唔錯嘅選擇！
📍尖沙咀加連威老道10號加威中心地舖
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊
Awakeing Earl Grey
$128
4 views
0 likes
0 comments
Black and white
$128
2 views
0 likes
0 comments
BBQ汁燒豬肋骨
$188
1 views
0 likes
0 comments
燒豬頸肉
$88
2 views
0 likes
0 comments
雞串燒拼盤
$118
0 views
0 likes
0 comments
Post
