个園竹語

Open Now

Now Closed

呢間「个園竹語」開喺尖沙咀海港城，裝修走高級江南庭園風，啱晒同屋企人食飯傾計。我哋叫咗個招牌菜「个園魚千鮮」同埋「上海全家福」，雖然只係2道餸，但都食得好滿足 。个園魚羊鮮真係一絕，佢哋用嘅係原條東昇斑，肉質滑嫩，煮得火候十足。個湯底用羊骨熬製，提升咗魚嘅鮮味，我地一啖接一啖停唔到口。上海全家福就係滿滿嘅驚喜，用料超豪氣，全部都係高級食材。花膠軟糯香滑，海參彈牙爽口，鮑魚彈韌嫩滑，配埋新鮮時蔬，煮出嚟嘅湯底非常濃厚，真係冇得輸。餐廳嘅價錢雖然偏貴，但係用料十足，環境夠晒格調，侍應態度又好，絕對值回票價。最啱同屋企人慶祝生日或者紀念日嚟食，坐低慢慢享受呢個環境配靚餸嘅時光。