京都鐡板居酒屋 (Closed)

早嗰排去咗食一間高級嘅日本餐廳👍🏻 不論係環境 服務態度 定係食物質素都好有驚喜😛 一行入餐廳已經覺得好高級 同埋仲有唔同食物可以俾我哋選擇🫡 今次坐咗喺壽司師傅隔離嘅Bar枱 可以望到佢哋平時處理食材嘅工序 完全衛生可靠🤓亦都見到食材嘅新鮮 係一個好好嘅體驗😎今次我哋叫咗唔同嘅刺身😋當中有師傅推介我哋食秋刀魚嘅刺身☺️ 配埋酸汁一齊食 帶出咗秋刀魚獨有嘅香味 另外仲叫咗吞拿魚 帶子 鯛魚 同埋赤蝦嘅刺身 完全能夠食得出佢地嘅鮮味😉另外仲叫咗唔同嘅軍艦同埋壽司 包括三文魚子 海膽 拖羅等等😙 海膽極度鮮甜 完全冇腥味 而三文魚子亦都好出色🤩我哋仲叫咗唔同嘅串燒同埋牛小排😍 即叫即燒 火候啱啱好 唔需要太多嘅調味 更加食得出食材嘅質素😉 燒雞中翼 肉質嫩滑 仲燒到個皮脆脆地 真係好正🥹 加埋個燒牛脷 厚厚地但完全唔韌 仲好香牛味 而牛小扒生熟程度適中 估唔到可以喺依間日本餐廳都食到咁高質嘅串燒 🥰