DKLM Bar & Restaurant (Closed)

自從疫情開始後好耐都冇去過Happy Hour，難得大家都忙完，就同幾個好姊妹一齊上黎呢間玩味十足既樓上Bar，過左個愉快既晚上😘。首先網上訂位，7點後入座全單有8折。Happy Hour 時段去到9點。可以預先叫定想飲既酒慢慢飲。我地點左一堆小食：沙嗲牛肉串、脆炸花枝丸、椒鹽豬頸肉、白酒蒜香煮蜆，椒鹽雞軟骨。牛肉串好有沙嗲味，好夠冧；花枝丸脆卜卜好好味；蒜香煮蜆都好入味，只有1，2隻仍有少少沙；我地一班女人邊飲酒邊吹水，過左個開心又輕鬆既夜晚🥰。