Chatterbox Café (K11 Musea)

Open Now

Now Closed

突然間想食海南雞飯，諗起K11 Musea 既呢間星加坡菜，放工即刻黎！ 一段時間無黎，水準keep到👍🏻🥢文華海南雞飯招牌無骨海南雞，皮薄鮮滑。配上三款醬汁，甜辣紅醬、黃薑蓉，最愛甜黑豉油口感紮實最夾，突出肉香，發揮得淋漓盡致。雞油香飯，粒粒分明，油香四溢。🥢黑醬油炒鮮蝦蘿蔔糕蘿蔔糕細軟綿夾起唔易散，內外沾滿特濃醬油香，拌上蛋絲、蝦米乾、蝦仁，另有原隻大蝦，味道濃厚又足料！ 甜品同樣出色刨冰5款，點了🍧夏日刨冰配雪糕一大球雲呢拿雪糕下，放滿配料。紅豆、Q彈涼粉條、滑溜粟米粒，上面灑滿花生脆粒，煉奶、棕櫚糖甜味自然，啖啖泡冰甜蜜透心涼。