杏甜品 (香檳大廈) (Closed)

今次第三次嚟呢度食甜品，亦係食同一款，質素非常平穩，可以撰寫食評。同樣地都係坐得非常逼硤，過程全自助，所以沒有服務可言。服務員的態度同倉務員無異，純粹將客人安置去一個位置，唔可能有禮貌，亦都唔駛期望有環境、有招呼。同樣地已經第三次揀咗 呂宋芒椰木蓮凍，一碗賣相精緻嘅甜品，包含軟滑、Q彈、脆爆幾種口感，加上一球雪糕放面，天時暑熱絕對啱晒。據稱木蓮凍係採用木蓮子作原材料，富含營養價值。如果唔討厭仙草嘅味道同質感，確實值得一試。