牛魔 (Closed)

今日同朋友去尖沙咀睇近期人氣最旺嘅鬼滅之刃。睇戲前，當然先食個午餐啦。我記揀咗其中一間我非常之喜歡嘅餐廳「牛魔」。牛魔嘅燒肉好好味，相信好多人都知，其實佢哋嘅午市套餐一樣咁好食兼抵食。所帶套餐都包括白飯、前菜同埋湯。我同朋友就叫咗宮崎和牛咖喱漢堡，同埋博多唐揚雞扒share嚟食。宮崎和牛咖喱漢堡先講咖喱，喜歡食辣嘅朋友就唔好意思喇。皆因佢係日式咖喱、有香濃咖喱味而無辣味嫁。宮崎和牛漢堡正超正，牛肉味濃，而且漢堡扒肥瘦均勻，漢堡扒約七成熟，肉質鮮嫩、漢堡扒又多汁。再加埋咖喱，餸飯真係無得輸。博多唐揚雞扒大大塊嘅雞扒、大約分成六至七件。雞扒外脆內暖、雞肉嫩滑多汁。大家千萬唔好覺得個炸皮好厚，其實炸皮只係正常厚度，而且一啲都唔硬，食物質素絕對有水準嫁。