Poseidon Restaurant & Bar (Closed)

放假同老公去了尖沙咀食晚餐，兩個人食了個海鮮拼盤、pizza及腸拼盤。這裏座位夠闊，坐得舒適。海神海鮮船：海鮮船全部以小玻璃杯盛載，加上閃閃發光的燈，又睇得又食得，打卡一流。生蠔配搭whisky/sake可減輕鐵銹味。鮑魚爽彈。魚子醬蟹肉沙律鮮甜。番茄大蝦酸甜開胃。德國豬肉腸拼盤配薯蓉及酸椰菜：有三款香腸，分別是豬肉腸、辣肉腸等，腸衣香脆，肉腸比較咸，配上酸菜更惹味，下面還有些薯蓉，薯蓉有粒粒咬口。巴馬火腿火箭菜pizza：pizza舖滿芝士；焗至新鮮熱辣，餅底香脆，而且不是麵包底，食完都唔滯，巴馬火腿咸味跟火箭菜特有的苦澀味很夾。