Video
Read full review
2021-07-30
34 views
Poseidon 尖沙咀阿士里道一向有好多隱世餐廳，今次試吓呢間西餐，要上三樓。因為無book位所以坐室外，但原來室外位置都好唔錯好舒服！.前菜磨菇蟹肉盒子Size 比我想像中大，同友人share都絕對足夠，盒子係指外層嘅春卷皮，內裏則填滿了炒香嘅磨菇同蟹肉，蘑菇同蟹肉呢個配搭都幾新鮮，蘑菇有彈牙的質感，中間有絲絲蟹肉嘅鮮甜，配上脆口嘅春卷皮盒子，配搭得好好😋Grilled Seafood Platter 呢碟seafood platter一嚟到我哋都覺得好驚喜， 因為真係比想像中大份好多，本身係寫二至四人分享用，但我哋覺得兩個人share嘅話會太飽，四人share啱啱好。.而且材料一啲都唔吝嗇，有兩隻大扇貝，兩隻大蝦， 半隻波士頓大龍蝦，大量魷魚圈，大量三文魚，青口，蜆，亦配有粟米，腸仔&西蘭花。🐚🐟🦞🦐🥦🍖🌽 龍蝦同大蝦都幾新鮮，肉質爽口彈牙😗大扇貝亦唔錯，蒸煮時間火喉控制得宜😋三文魚腩最有驚喜，因為煮得剛剛好熟但又唔會乾柴，有外脆內軟嘅感覺🥰.Seafood Platter 用了紅色嘅醬汁餚煮，有少少似紅酒，蕃茄+海鮮精華，粟米同西蘭花吸收晒啲精華，好飽滿！.Signature
尖沙咀阿士里道一向有好多隱世餐廳，今次試吓呢間西餐，要上三樓。因為無book位所以坐室外，但原來室外位置都好唔錯好舒服！
.
前菜
磨菇蟹肉盒子
Size 比我想像中大，同友人share都絕對足夠，盒子係指外層嘅春卷皮，內裏則填滿了炒香嘅磨菇同蟹肉，蘑菇同蟹肉呢個配搭都幾新鮮，蘑菇有彈牙的質感，中間有絲絲蟹肉嘅鮮甜，配上脆口嘅春卷皮盒子，配搭得好好😋
Grilled Seafood Platter
呢碟seafood platter一嚟到我哋都覺得好驚喜， 因為真係比想像中大份好多，本身係寫二至四人分享用，但我哋覺得兩個人share嘅話會太飽，四人share啱啱好。
.
而且材料一啲都唔吝嗇，有兩隻大扇貝，兩隻大蝦， 半隻波士頓大龍蝦，大量魷魚圈，大量三文魚，青口，蜆，亦配有粟米，腸仔&西蘭花。🐚🐟🦞🦐🥦🍖🌽
龍蝦同大蝦都幾新鮮，肉質爽口彈牙😗
大扇貝亦唔錯，蒸煮時間火喉控制得宜😋
三文魚腩最有驚喜，因為煮得剛剛好熟但又唔會乾柴，有外脆內軟嘅感覺🥰
.
Seafood Platter 用了紅色嘅醬汁餚煮，有少少似紅酒，蕃茄+海鮮精華，粟米同西蘭花吸收晒啲精華，好飽滿！
.
Signature Cocktail
呢度有個隱藏嘅menu，cocktail可以揀Virgin嘅Cocktail，我哋揀左呢款海鮮寶盒，好玩又打咭一流！呢款Cocktail好fruity，有支test tube 係果味嘅酒，加入Cocktail入邊，好好玩好新奇，你可以自己加青檸，mint ，檸檬，青瓜，士多啤梨，好豐富！
Post
