Video
Read full review
2022-08-03
34 views
今日嚟到尖沙咀，試吓呢間高級日本料理，佢哋中午有套餐亦都有omakase，咁就同朋友叫咗兩個午市套餐再加啲小食嚟食。🍴鮫鰈薄切 $168 (8/10)真係切得好薄，質感好爽滑，魚味叫比較清淡，個汁酸酸地好開胃，應該係柚子醋，點完之後引發魚嘅鮮甜品。🦪仙鳯趾蠔 一隻 $88 (8/10)蠔味好清香，好甜，質感好滑好creamy，食到有好香濃嘅礦物質味道，一啲都唔腥，after taste好濃，好好食😋🍴汁煮花螺 $88 (9/10)超級軟淋，好入味，甜甜哋，落咗味淋，帶少少酒香，一啲都唔腥。🍴金鯛燒 $168 (8/10)魚鱗切到花花形狀，炸到好香脆，口感有兩個層次，香脆同埋魚肉嘅紮實，魚味好濃，肉質比較結實，食得出有魚味！個汁係好清香好似魚湯咁，比較清淡啲，食魚嘅原味。🍴沙律 (8/10) 跟餐送好新鮮，用咗柚子醋，好清新。🍴麵豉湯 (7/10) 跟餐送比較偏鹹，非常濃嘅麵豉味。🍴茶碗蒸 (8/10) 跟餐送好香濃嘅海鮮味，個蛋好滑好濃稠，有蛋香，有魚蛋好有魚味彈牙。有冬菇白果。🍴 柏•特盛丼 $380 (9/10)有三文魚子，海膽，燒帶子，真鯛，玉子，鮑魚，油甘魚，大蝦，淮山，碟魚等
🍴鮫鰈薄切 $168 (8/10)
真係切得好薄，質感好爽滑，魚味叫比較清淡，個汁酸酸地好開胃，應該係柚子醋，點完之後引發魚嘅鮮甜品。
🦪仙鳯趾蠔 一隻 $88 (8/10)
蠔味好清香，好甜，質感好滑好creamy，食到有好香濃嘅礦物質味道，一啲都唔腥，after taste好濃，好好食😋
🍴汁煮花螺 $88 (9/10)
超級軟淋，好入味，甜甜哋，落咗味淋，帶少少酒香，一啲都唔腥。
🍴金鯛燒 $168 (8/10)
魚鱗切到花花形狀，炸到好香脆，口感有兩個層次，香脆同埋魚肉嘅紮實，魚味好濃，肉質比較結實，食得出有魚味！個汁係好清香好似魚湯咁，比較清淡啲，食魚嘅原味。
🍴沙律 (8/10) 跟餐送
好新鮮，用咗柚子醋，好清新。
🍴麵豉湯 (7/10) 跟餐送
比較偏鹹，非常濃嘅麵豉味。
🍴茶碗蒸 (8/10) 跟餐送
好香濃嘅海鮮味，個蛋好滑好濃稠，有蛋香，有魚蛋好有魚味彈牙。有冬菇白果。
🍴 柏•特盛丼 $380 (9/10)
有三文魚子，海膽，燒帶子，真鯛，玉子，鮑魚，油甘魚，大蝦，淮山，碟魚等等。牛蒡鹹鹹地好爽口，海帶好乾身好有海帶味道，珍珠米軟硬適中，粒粒飽滿，有醋香味，唔會比醋奪過咗飯嘅香氣。
三文魚子好香，有海水味一啲都唔腥，一咬即爆開。海膽好鮮甜，好香濃海膽味，一啲都唔腥，燒帶子好鮮甜好好食，帶子味好香濃。玉子甜甜地好有蛋香，係自家制嘅食到有焦香嘅味道。油甘魚回甘，汁煮鮑魚好香甜，好入味，肉質彈牙，刺身漬熟成刺身，魚味非常濃郁。拖羅油香軟淋，魷魚比較煙靭。牡丹蝦好淋但帶少少爽口，好重口味，真鯛魚味好香。成個飯雖然價錢唔貴但每款刺身都好新鮮好好食，真係大滿足😆
🍢串燒六點定食 $138 (9/10)
真心呢個幾抵食，有六串串燒再加一個飯。紅椒好甜好爽口，翠玉瓜比較淋有汁，牛舌好厚好爽口，好香濃牛肉味，啱啱好有肉汁！免治雞肉棒，好香口，好香日式串燒味，雞頸肉，好友雞肉嘅味道，口感紮實有靭勁。雞翼燒得幾香口。串燒嘅火候把握得好好，基本上每一串都好食，真心好高質！
推薦指數: 9/10
食物好高質，新鮮有誠意，調味功夫都恰到好處！服務態度好好，店員會主動加水非常細心，下次會想試吓omakesa，同朋友坐低慢慢食吓高級日本嘢傾吓計都係一種享受啊😆
Post
