Assembly

Open Now

Now Closed

黑松露雜菌意大利飯個飯一黎到個黑松露味好香，遠處都已經聞到浸黑松露味。個飯亦都唔會太淋，飯身我個人覺得有啲硬，不過整體唔錯。而啲菇份量又岩岩好，唔會太少菇。最後飯面都有啲芝士粉吊下味咁，好適合同朋友一邊飲下哋一邊食。黑松露薯條黑松露薯條最令我驚喜嘅地方係佢係薯條上面有一堆蒜蓉，因為未試過食黑松露薯條會跟一堆蒜蓉俾你。另外佢有個黑松露醬，個黑松露味道唔太出，比較淡，可能因為本身已經食咗黑松露飯。而佢薯條都唔係太淋，即叫即炸，同埋佢薯條係比較粗嗰隻，啱晒我口味。環境佢呢度最適合少少朋友過去傾吓偈，食吓嘢，佢亦都有室內同室外。坐室外就比較嘈同埋迫，因為條走廊就係隔離，會有人喺側邊不停行。同埋佢啲侍應都唔識講廣東話，不過整體上嚟講都係適合飲番杯，談吓心。