圍威喂 (誠信中心) (Closed)

今日落大雨，成班同事叫咗外賣 -圍威喂泰國菜。炒金邊粉-鑊氣唔夠，冇乜花生碎，唔夠泰式又冇青檸在面，味道好淡比較普通。馬拉肉骨茶加油炸鬼-肉骨茶味道，只有少少龍藥材味，湯淡淡的，裏面有油炸鬼同埋豆腐卜吸味，算唔錯。香葉炒肉碎太陽蛋飯-未到最出色，肉碎有香料味，炒得乾身加埋太陽蛋撈飯。檳城炒粿條-感覺似乾炒牛河，粿條同河粉一樣，中間有一些泰式臘腸，臘腸算挽回不少分數。泰式柑柚鮮蝦沙律及泰式炒通菜都正常。泰式咖喱配白飯及蝦餅，有啲唔正宗，完全唔似泰菜，不夠泰國菜味道。整體味道正常，不算突出，泰式的香酸辣咸味道都不錯突出，比較清淡，但作為午餐都尚可接受，$541的價錢唔算太便宜，但工廠區來說尚可接受。