百樂門囍宴

Open Now

Now Closed

放假當然要約我家兩位老人家👴🏼👵🏻去歎個茶。呢間酒樓嘅點心都算ok。十二點鬆嘅時段都唔使點等位。多數一拎飛仔，等一陣好快就有位。水晶蝦餃皇你都的蝦餃尚算不錯。大大粒。餃皮煙韌，唔會一夾起就爛。蝦又彈牙爽口。味道不錯👍🏻👍🏻😋潮州粉果飲茶必食嘅潮州粉果。可能細個嘅時候，大人們都一定會叫。所以而家長大後，我都習慣會叫一籠。有沙角，花生，所以食落覺得好香口。陳皮牛肉球又係一樣一定會叫嘅點心。其實最中意係食係牛肉底嘅腐皮☺️索晒牛肉汁同喼汁後，真係好好味。牛肉球味道也算ok。蜜汁叉燒腸腸粉很滑同軟熟。加埋蜜汁叉燒粒，然後配上甜甜的豉油，味道很可口👍🏻腸粉皮都算唔係太厚，都算係包左幾多料向入面。雪山叉燒包外層係墨西哥皮，內裏係叉燒餡料。麵包質地好鬆軟。食落甜甜的😊味道不錯。可惜有點太油。一嘅夾起個包後，碟上見到一層油😐涼瓜斑腩炒河佢地有個套餐係涼瓜斑腩飯+油菜係98元。但老人家唔想食飯，想吃河粉。所以就令外叫了個涼瓜斑腩炒河 (98元$。呢度嘅炒河其實都不錯，味道唔會太鹹，亦唔會太油👍🏻。因為向出面食炒河粉多數都係好油。苦瓜煮得都算腍，斑腩都算新鮮👍🏻