籠太子點心專門店

Open Now

Now Closed

一講食點心，好多人會諗起茶樓食，不過依家唔再係茶樓專利，多左其間以點心為名嘅專門食店都有水準，其中聽過嘅有lee一間！本人次次食親點心飲茶都會叫腸粉食，其中一個原因係要試下間店舖水準去到邊度，一定唔可以凍硬實，要嫩滑QQ有彈性，這店做到，好食！炸物外脆內軟，有咬口，唔會太油！小籠包湯汁飽滿，一口一隻，爽嘅。蝦餃皮薄又彈牙，有原隻蝦，讚！另外一提流沙奶黃飽真係流晒岀黎，甜度適中。重點: 鮑魚燒賣！有噱頭，味道唔差，鮑魚煮得夠軟，燒賣啖啖鮮肉同蝦味，正！其他都有正常水準，值得再去食。