Video
Read full review
2008-09-25
之前幫親過兩次, 第一次覺得d味道都ok, 加上老板娘殷勤招待, 所以, 先有下次. 但埋單時問她, 乜唔係用DBS信用卡食滿$500, 有九折咩?, 老板娘話近中秋節, 多人旺場嘛! 所以暫停, 叫我哋體諒下, 平日嚟食就有. 當其時比面老板娘咁好招呼, 就算啦! (是去年的中秋節).到第二次是在同年的年初七, 當日都是一樣旺場, 我哋一行大人加細路12個, 當天有位(類似老板的類體), 嚟幫我哋寫菜, 當我哋每點一樣餸時, 佢就問要唔要加大, 我們表示想試多幾款唔同菜式, 問佢咁每客份量有幾多? 他就(副副氣氣)話一人一嚿都冇, 我問佢即係幾多? 佢話7,8嚿倒!我便話OK啦, 因唔係個個人都鍾意食. 佢就話你哋自己諗啦, 驚你哋唔夠食, 等陣再加單要好耐! 我話唔緊要, 到唔夠食先再加, 我哋趕時間. 佢就話到時你哋唔好嘈話耐就得! 冇幾耐d餸就(噓噓聲)嚟晒, 食到一半(類似老板個件類體)就嚟問我哋夠唔夠食, 要唔要加餸? 我話重未食晒唔知喎, 要的話我叫你呀! 之後, 佢就過咗第二張枱. 聽到佢同第二枱講, 你哋d嘢齊晒囉, 上埋糖水比你哋啦! 個枱客就話:我哋有個生日蛋糕未
之前幫親過兩次, 第一次覺得d味道都ok, 加上老板娘殷勤招待, 所以, 先有下次. 但埋單時問她, 乜唔係用DBS信用卡食滿$500, 有九折咩?, 老板娘話近中秋節, 多人旺場嘛! 所以暫停, 叫我哋體諒下, 平日嚟食就有. 當其時比面老板娘咁好招呼, 就算啦! (是去年的中秋節).
到第二次是在同年的年初七, 當日都是一樣旺場, 我哋一行大人加細路12個, 當天有位(類似老板的類體), 嚟幫我哋寫菜, 當我哋每點一樣餸時, 佢就問要唔要加大, 我們表示想試多幾款唔同菜式, 問佢咁每客份量有幾多? 他就(副副氣氣)話一人一嚿都冇, 我問佢即係幾多? 佢話7,8嚿倒!我便話OK啦, 因唔係個個人都鍾意食. 佢就話你哋自己諗啦, 驚你哋唔夠食, 等陣再加單要好耐! 我話唔緊要, 到唔夠食先再加, 我哋趕時間. 佢就話到時你哋唔好嘈話耐就得! 冇幾耐d餸就(噓噓聲)嚟晒, 食到一半(類似老板個件類體)就嚟問我哋夠唔夠食, 要唔要加餸? 我話重未食晒唔知喎, 要的話我叫你呀! 之後, 佢就過咗第二張枱. 聽到佢同第二枱講, 你哋d嘢齊晒囉, 上埋糖水比你哋啦! 個枱客就話:我哋有個生日蛋糕未切,麻煩你幫我哋攞嚟! (類似老板個件類體)就話:吓!要趕住交枱喎! 個客就話:打電話訂枱個時, 冇話要幾點鐘交返張枱喎! 佢就同個客講: 通常預你哋食兩個鍾倒, 之後就交枱, 架陣門口都企到滿晒人. 咁個客非常不滿意話: 我哋都未食完, 係唔係唔駛比錢走得呀! 跟住(類似老板個件類體)就好冇癮咁話:架陣攞埋個蛋糕比你哋啦!
我哋明白點解佢咁關心, 成日問我哋夠唔夠食, 原來想我哋快d食完快d走. 真係唔好意思, 原來係我哋阻住人發達! 我聽到都冇晒胃口, 費時阻住人哋, 就叫埋單! 我哋一樣問他,係唔係用DBS信用卡食滿$500, 有九折? 佢就話架陣過年時期冇優惠! 我哋話唔係話(年初一至三)就話啫! 次次都話冇, 即係借信用卡優惠嚟過橋! 總之, 一句到尾(冇下次!!!)
Post