薈亞廚房 (Closed)

有一排就好鐘意去九龍城搵泰國嘢食，但去得多，慢慢覺得味道其實都差不多。環境方面又比較擠逼，所以都係揀返近自己屋企嘅泰國餐廳食嘢好過，一開始以為商場入面應該好貴，但後尾發覺又唔會，價錢都正常。最緊要環境幾靚，幾闊落，坐得又舒服。我就無約朋友，一個人去食嘅，咁一個人選擇唔多，唔可以試好多嘢，不過我睇佢地菜單都幾吸引，除咗泰式嘢，都幾多西式嘢。我就點咗一碗泰式豬頸肉湯河，豬頸肉煎得香脆，唔會覺得油膩。湯底都幾好飲，唔會太鹹。下次會想試下其他菜式。