蛇竇茶記 (德輔道西)

Open Now

Now Closed

同男朋友係屋企附近食晚餐，見到呢間新開嘅新式茶裝修幾靚有隻大蛇係牆上面，作為茶記迷，一於就試試佢！蛇竇茶記嘅餐牌用字同設計都有心思又有趣，而且食物種類豐富，又選擇困難症嘅我地真係揀無落手，最後傻下傻下叫左兩個豬扒飯先發現「咦！點解咁似嘅！」價錢合宜，椒鹽豬排嘅粒粒炸蒜香口惹味，豬排軟身肉質細嫩，肉燥份量多，用黎撈飯絕對係世界級，食唔停口系列！相較失色嘅鮮茄焗豬排飯有啲失望，說好的炒飯底原來係白飯加兩條蛋絲，說好的焗飯只係面頭兩條芝士同側邊一堆茄汁，飯同豬排大大份可惜兩樣都唔入味，番茄得兩角，唔值得叫。仲有好多望落個名幾吸引嘅野食，有機會試吓佢個鐵板餐同常餐先。