博多屋台

Open Now

Now Closed

原來上水彩園商場入邊有一間日本屋台主題餐廳，餐廳名就係博多屋台。嚟緊計劃會去九州福岡，都會去佢哋嘅屋台，聽聞呢度拉麵嘅風評都唔錯，咁就一於過去試一試，率先感受屋台嘅魅力。佢裏便嘅裝修都係一間間包廂好似屋台咁樣，多人仲有VIP室添。主要都係食丼飯、拉麵、壽司等等。今次就食最多人叫嘅黑蒜油腩肉拉麵，加埋小食唐揚炸雞、凍奶茶都係$99。腩肉叉燒淋滑，麵質ok 喇，黑蒜油豬骨檔非常之香。絕對收貨。另外加咗半份三文魚炸蝦天婦羅反卷，真心都唔錯，經開上水都可以過嚟試吓。