Video
Read full review
2015-07-09
1419 views
小食店係香港買少見少, 難得黎到慈雲山, 就同朋友走入咗呢間好有懷舊味道的小店對於係屋村長大的香港平民, 細個一定幫襯過呢D小店. 食客話我知, 呢間店由佢小學已經存在, 裝修都一直無變 (食客望落都有四十 ) , 即係話已經有三十幾年歷史!!!望住個餐牌好多選擇, 兩個人好似前世未食過野咁, 乜都叫. 三溝碗仔翅: 魚肉彈牙, 碗仔翅足料! 仲有大碗細碗分, 想食多D其它野可以叫細碗 , 我見對面個位食客點了一客碗仔翅加公仔面, 第一次見人咁樣食, 下次我都要試下炸蛋 (炸魚蛋): 呢隻炸魚蛋同一般食的煎釀三寶唔同, 細細粒, 個皮炸到皺皺地 (應該係發大咗再縮返水), 加埋特製豉油, 好正!!炸魚片&炸腸仔: 小朋友最愛的食物, 香口美味炒面: 好夠鑊氣! 牙菜比好多唔故寒, 正!!魷魚鬚: 呢個好好味! 精髓在於個醬料, 甜甜地咸咸地. 係魷魚鬚先會配呢種懷舊醬料 (以前南山村出面個魷魚鬚伯伯, 就係買魷魚鬚會變魔術個個伯伯, 都係用呢隻醬料). 同炸蛋一樣, 一定要試天氣熱我叫咗杯雜果冰, 裏面除咗雜果, 仲加入咗啫喱粒粒, 好用心的一杯飲料, 都係$13乍!!最後黎多客大菜糕
對於係屋村長大的香港平民, 細個一定幫襯過呢D小店. 食客話我知, 呢間店由佢小學已經存在, 裝修都一直無變 (食客望落都有四十 ) , 即係話已經有三十幾年歷史!!!
望住個餐牌好多選擇, 兩個人好似前世未食過野咁, 乜都叫.
三溝碗仔翅: 魚肉彈牙, 碗仔翅足料! 仲有大碗細碗分, 想食多D其它野可以叫細碗 , 我見對面個位食客點了一客碗仔翅加公仔面, 第一次見人咁樣食, 下次我都要試下
炸蛋 (炸魚蛋): 呢隻炸魚蛋同一般食的煎釀三寶唔同, 細細粒, 個皮炸到皺皺地 (應該係發大咗再縮返水), 加埋特製豉油, 好正!!
炸魚片&炸腸仔: 小朋友最愛的食物, 香口美味
炒面: 好夠鑊氣! 牙菜比好多唔故寒, 正!!
魷魚鬚: 呢個好好味! 精髓在於個醬料, 甜甜地咸咸地. 係魷魚鬚先會配呢種懷舊醬料 (以前南山村出面個魷魚鬚伯伯, 就係買魷魚鬚會變魔術個個伯伯, 都係用呢隻醬料). 同炸蛋一樣, 一定要試
天氣熱我叫咗杯雜果冰, 裏面除咗雜果, 仲加入咗啫喱粒粒, 好用心的一杯飲料, 都係$13乍!!
最後黎多客大菜糕多奶, (呢度多奶係唔洗加錢嫁!)
呢間小店只有幾位大媽主持, 但唔會漏單, 招呼週到, 上菜快又唔會黑面. 中午時段座無虛席, 天氣極熱客人都唔介意坐門口, 可見街坊都十分支持!
吃了一餐豐富的人情味, 滿足感100分!
Post
