意八餐廳 (Closed)

喺屋邨食有咁嘅質素，已經算係好好。起碼俾屋邨朋友，用較實惠嘅價錢🤗，食到真係似意大利菜嘅食物都算唔錯。見到都幾多一位嘅人士嚟呢度食，門口排得太多人啦，等得較耐嚟呢嘅機會可能會少啲，但好味都值得一等嘅…😄我哋當日有帶BB🍼，所以入坐時BB車要放喺指定嘅位置，先可以入坐嘅。旁邊仲見到不少用嚟買餸嘅手拉車仔，因為呢到剛好樓下就係街市，上嚟食完個下午茶就可以去買菜🍆🐟，非常方便。食物方面，個特濃蕃茄湯好重香草味🍜。而個忌廉煙肉菌皇意大利飯，煙肉嘅關係味道比較燶。 活蜆魷魚圈香草忌廉意大利飯， 每隻蜆都係原隻連殼冇甩肉嘅，相比有煙肉嘅意大利飯未到就較為淡少少，但味道係算適中幾好味😊。