盛記盆菜&盛記麵家

Open Now

Now Closed

當屋企人訂左盛記慶中秋，奇怪地址在沙田瀝源邨熟食檔內。我帶着阿寶搵路，到餐廳才驚覺熟口熟面，好似睇電視見過。佈置別緻加上係老牌屋邨已是一大賣點，當晚我地以火鍋🍲為主，餐牌食物種類繁多絕對唔Hea。先來杯drink - 冰震酸梅湯酸酸甜甜無澀味，愈飲愈想飲，仲要真係有粒話梅係裡面番茄🍅豬骨鍋+椰子鮮雞鍋，熱騰騰上枱，我地個個第一時間滾起即飲頭淡湯。菜單係一般火鍋配料都有齊，咁我就推下我應為好食野。黃喉 - 見到係家禽類上，坦白講我唔知係邊樣家禽邊個部位，但係滾一陣食落口就超爽脆好味。冰豆腐 - 大大嚿唔易散，索哂湯汁有咬口粉腸同牛柏葉都唔錯，食到較鮮，乾淨無怪味。