Cafe Hillywood (Closed)

有一段時間冇見BBF ，難得有機會緊係要約埋見一面，中意同佢周圍食好野，今次睇中左依間Cafe Hillywood，好中意佢入面環境既風格，同埋野食方面睇上去都唔錯呢～Cafe Hillywood屬於地鋪，落到去空間好大，牆身非常特別，而又充滿文青氣息。座位間間隔好大，地面顥得有少少工廠feel ～餐牌以文字為主，選擇唔算太多，但主菜同前菜等等都好吸引～三文魚牛油果他他，依個菜式好有藝術氣息，外圍淋左一圈黑醋汁，牛油果、蕃茄、三文魚、魚籽一層一層疊上去，視覺望上去已充滿層次感，食落去容易散開，淡淡既三文魚加上酸酸既黑醋，而牛油果就做到中和作用。黑松露意大利雲吞，素食中既一款，但味覺充滿驚喜！黑松露既味道非常濃郁，醬汁濃稠而充滿芳香，雲吞軟滑，有黏黏既口感！內裡係素菜餡料，主要係豆類同菜類製成，另外仲有好爽口既雜菌做伴菜，推薦之選！ 慢燒一口豬仔骨配薯條，望落已覺得色水好靚，佈滿燒烤汁既豬仔骨，十分惹味，肉質爽軟，又唔會好痴骨，易食易咬，食起黎唔會太麻煩。一口豬仔賣相已經好吸引，慢火燒烤，所以食得出淡淡碳燒味～另外配的薯條，粗薯份量夠多，少少油膩同較軟身。黃又啡，又黃又啡會諗起咩XD 其