厚興瑜記手撕雞 (卓爾廣場)

Open Now

Now Closed

👉🏻麻辣手撕雞撈麵原本對呢款無咩期望，點知幾有驚喜🤩麵條好滑溜，醬汁落得恰到好處，啱啱好夠撈晒啲麵。醬汁調得好味，少少酸甜味咁好正。後尾有啲越食越辣😆但可以接受。👉🏻胡麻醬手撕雞撈烏冬呢款就係預期之中嘅好味😋日式胡麻醬落得唔孤寒，又唔會水浸咁。烏冬滑溜得黎少少煙靭，青瓜好清新。👉🏻加$10有碗老火蕃茄薯仔湯，呢個正呀勁有屋企feel，薯仔煲到好蓉，好飲🤩兩款麵份量都幾多，飲埋碗老火湯就好飽了。👉🏻樽仔咖啡、水晶咖啡兩款咖啡都幾香滑，水晶果個有啲野咬下幾過癮。