貓毛

Open Now

Now Closed

哩間漢堡包店「貓毛」同區內威威美食唔同~佢鋪頭位置比較偏僻，喺街尾角落，但就凝造到一種好chill的氣氛。雖然鋪頭主打外賣，但有時出面會放幾張小枱，深夜時份就間唔時會有年輕人過黎食包又飲下野咁～鋪頭主打都係食漢堡包，今次就叫左個「貝羅菇」同埋「貓霸」。貝羅菇漢堡貝羅菇漢堡其實係牛肉、貝羅菇同埋黑松露醬。包身鬆軟，貝羅菇多汁好味。而餐廳同區內威威一樣都係用上自家手打牛肉，但就比較易一咬散，唔算juicy，所以餐廳以極大量黑松露醬搭救，可以話係妙筆。貓霸漢堡哩個貓霸漢堡重勁，叫得貓霸，牛肉係雙重份量，配搭菠蘿同埋蜜糖芥末醬，睇個賣相已經好刺激眼球。完全一口咬唔哂唔洗講，食完飽到上心口。不過牛肉都係上面問題，好在都係有大量蜜糖芥末醬。不過真係太多肉，菠蘿同肉本身唔算搭，味道有點單調，反而貝羅菇漢堡就多返點層次。跟餐有埋薯條同野飲，薯條正常港式茶記款，野飲叫左杯貓毛朱古力 ，飲落好濃味，有點太甜。總結，貓毛其實重有好多漢堡選擇，同埋之後聽朋友講返，如果加埋芝士會更惹味～下次經過可以再去試！餐廳：貓毛 Hair of cat地址：屯門青棉徑3號好勝大廈地下低層1B-1C號舖 Address：Sh