馬六

Open Now

Now Closed

早幾日去土瓜灣做野，順便搭下屯馬線，真係大鄉里，咁鍾意食喇沙都係第一次食馬六，知佢開左幾間分店但係無經過，上網睇過d食評覺得又未至於要特登去食。經過時係下午茶時段，好！就試一試魚蛋喇沙，都係咖哩喇沙果類，幾重椰奶，湯好有味但唔算濃，即係無果d一粒粒既粿粒口感，個人鍾意果類多d，不過只係個人口味問題，我估都會有人鍾意好滑。我仍然係覺得好飲，你睇我影張相係連湯都飲晒就知 hahaha。可惜既佢唔係滲滲，同埋魚蛋質感太粉，扣了好多分。不過下午茶價錢就下午茶既要求，算係咁。＊唔知夜晚會唔會比好d既料。。。😏有機會再試。