鼎尚燒鵝湯館

Open Now

Now Closed

放假去⛰山頂行吓，平日嘅山頂格外寧靜，非常舒服。見到呢間位於山頂廣場嘅餐廳佈置優雅、座位寬敞，有燉湯有🍗燒味又有🥟點心，決定入去嘆番個下午茶。🥢餐廳嘅風格走懷舊路線，餐牌餐具設計都非常用心，仲播埋經典金曲，非常有feel，餐牌選擇精簡，我想飲燉湯又想食招牌燒鵝飯所以叫咗個🍲燉湯套餐（$178），燉湯當日有3款選擇我揀咗海底椰燉乳鴿湯，真材實料原汁原味非常滋補。⭐️⭐️⭐️燒鵝果然係招牌菜式，肥瘦適中、皮脆肉香，燒鵝汁嘅甘香滲透每一啖飯，大大碗飯都清得曬，另加$10可以配飲品，呢個質素同價錢喺山頂嚟講性價比算高。🌶麻香口水雞 （$128）口水雞去晒骨食得非常暢快，醬汁調校得好惹味仲有Q彈粉皮伴碟係一個bonus😋🥟另外叫咗兩款點心，估唔到點心質素都咁高，鮮蝦菜苗餃 （$58）皮薄餡靚，彈牙爽口；香滑奶黃包 （$48）有一股濃滑嘅奶香，當甜品食為呢餐畫上完美嘅句號。餐廳亦有多款名貴中國茗茶供應- $28位，啱晒識嘆茶嘅朋友。