Video
Read full review
2021-03-14
1582 views
去親屯門都聽人講話紅橋附近好多野食，點知行到過去男朋友突然胃唔舒服🤢，唯有快快手入一間唔使排隊等位嘅餐廳。本來以為呢間係普通嘅日式料理餐廳，點知入面嘅設計又好特別。貼滿咗美式海報又播英文歌，又有俄羅斯🇷🇺彩蛋牙籤筒，仲用咗平時飲麵豉湯嘅日式碗仔裝西式忌廉湯，個反差都幾得意🤣🤣。我哋叫咗兩個lunch sets，每個套餐價錢都包珍珠白飯，沙律or餐湯及嘢飲，學生👨🎓仲有得減$5免費升級做特飲。岩石套餐可以選擇美國牛柳、安格斯西冷牛扒、雪花牛肩甲、法式羊架、日本黑豚肉眼扒、羊西冷同埋牛仔骨，選擇都算幾豐富啊。🪨 岩石燒牛仔骨 $78店員會送上鋪滿牛仔骨嘅大石頭，都有大概5-6塊。記得影相打卡📸一分鐘內就儘快翻面啊，如果唔係就可能會太熟。一路燒一路聞到香味，仲會聽到油花燒緊嘅吱吱聲，真係令人好心急想食🤤。可能我食開重口味，味道上覺得啲肉比較淡，我就落咗玫瑰鹽吊味，旁邊好似仲有燒肉汁可以落。牛仔骨肉質唔錯，但啲筋比較多會難咬，不過以呢個價錢嚟講算係CP值幾高。燒完肉之後仲可以將飯旁邊嘅配菜擺上去燒，包括有翠肉瓜🥒、番茄🍅同四季豆，啲菜吸滿肉汁更加正。整體份量都夠食，的確有驚喜，大眾化嘅價錢食
我哋叫咗兩個lunch sets，每個套餐價錢都包珍珠白飯，沙律or餐湯及嘢飲，學生👨🎓仲有得減$5免費升級做特飲。岩石套餐可以選擇美國牛柳、安格斯西冷牛扒、雪花牛肩甲、法式羊架、日本黑豚肉眼扒、羊西冷同埋牛仔骨，選擇都算幾豐富啊。
🪨 岩石燒牛仔骨 $78
店員會送上鋪滿牛仔骨嘅大石頭，都有大概5-6塊。記得影相打卡📸一分鐘內就儘快翻面啊，如果唔係就可能會太熟。一路燒一路聞到香味，仲會聽到油花燒緊嘅吱吱聲，真係令人好心急想食🤤。可能我食開重口味，味道上覺得啲肉比較淡，我就落咗玫瑰鹽吊味，旁邊好似仲有燒肉汁可以落。牛仔骨肉質唔錯，但啲筋比較多會難咬，不過以呢個價錢嚟講算係CP值幾高。燒完肉之後仲可以將飯旁邊嘅配菜擺上去燒，包括有翠肉瓜🥒、番茄🍅同四季豆，啲菜吸滿肉汁更加正。整體份量都夠食，的確有驚喜，大眾化嘅價錢食到咁嘅石燒牛都算係幾唔錯嘅選擇喔。
👅評分：8/10
岩石燒牛仔骨
$78
90 views
0 likes
0 comments
岩石燒牛仔骨
$78
71 views
0 likes
0 comments
岩石燒牛仔骨
$78
53 views
0 likes
0 comments
🍛 日式咖喱吉列豬扒飯 $62 相比之下個咖喱飯就比較普通，豬扒肉質比較乾同埋柴。咖喱唔知點解偏綠色，好似唔夠平時啲咖喱咁濃味，但勝在醬汁比得多，豬扒都算好大份，所以男朋友都食得好飽，而且啲醬汁都唔會話食到最後就無晒。
👅評分：7/10
日式咖喱吉列豬扒飯
$62
37 views
0 likes
0 comments
🍹 柚子茶 & 荔枝紅茶 & 忌廉餐湯
柚子茶俾得好夠料，唔會好似出面偷工減料嗰啲咁淡貿貿。荔枝紅茶都係正常水平，中規中矩。餐湯係忌廉蘑菇湯，入面都幾多菇🍄，所以菇味好重。男朋友唔鍾意菇味就俾晒我飲，我就覺得好入味好好飲😛。
👅評分：8/10
Post
