鮮燒 • 酒屋

Open Now

Now Closed

今日喺土瓜灣搵到間川日fusion嘅居酒屋，川日fusion好少見，CP值好高勁抵食，而家仲做緊期間限定優惠，有八款串燒都只係$9 串。另外Sapporo啤酒$48做緊買一送一優惠。牛肉串、雞腿肉、羊腿肉串燒呢度嘅串燒都有三個口味可以揀，日式有日式燒汁甜甜地，港式就比較似BBQ帶有鹹香，川式就有麻辣嘅香味，但係又唔會太辣。三款串燒都好嫩滑多汁，$9串仲有咁多口味可以揀，超叻食。蒜蓉茄子$38 燒生蠔$48兩隻我哋比較叫得多日式嘅串燒，茄子同埋生蠔都係揀咗日式，加入咗日式燒汁帶有甜味令到大大隻生蠔更加提鮮，而有甜味嘅燒茄子亦都好特別。南蠻炸雞$68 麻辣雞肉薄餅$98除咗串燒之外，呢度仲有炸雞同埋pizza食，炸雞外脆內軟，配啤酒一流。Pizza底係用印度薄餅上面再加上麻辣雞肉，非常有特色。鮮選五點刺身$198川日fusion試埋佢地嘅鮮選五點刺身，蝦、帶子、魚刺身全部都好新鮮，唔會腥而且好鮮甜，特別係蝦非常彈牙。