Bella Shine (Moved) New Location

下就冇野做心思思想試新野,呢間餐廳位置方便,可能星期六唔係返工時間,所以唔算多。樓面好乾淨,坐都好舒服,店完都好有禮貌。黎到日式fushion,就點左份黑豚豬扒烏冬加西湯沙津配蒜蓉包。西湯食落係忌廉,西蘭花加薯仔打埋一齊做既湯,雖然本人唔鍾意忌廉,但佢呢個湯唔太油,忌廉味唔重,再加上蒜蓉包,味道唔錯唔錯。沙津菜新鮮,醬汁幾特別,芝麻醬加上乳酪。主菜係黑豚豬排烏冬,首先吉列炸出黎唔油,而且諗住豬排都係好硬,但食落就一D都唔硬,而且多汁,軟硬度似係食緊魚扒。烏冬係稻庭烏冬,識食一定係凍食,所以餐牌都係唔係有熱食,食落口覺彈牙,溫度少少凍岩岩好,加上芝麻醬味道一流。價錢同食物成正比,環境唔錯,有機會再黎食。