K2 Kitchen (Closed)

朋友系觀塘放工，又吾想食APM嘅餐廳，佢就有一個提議不如去工廈食好西，可以傾吓計，就不如食西餐，上到去覺得個環境幾大，而且座位幾寬闊，服務員好殷勤又有禮貌，逐一介紹餐牌裏邊嘅主菜！頭盤有兩款選擇，燒有機紅菜頭伴羊奶芝士，北海道帆立貝、檸檬泡沫，紅菜頭好新鮮配上羊奶芝士好夾，而帆立貝煮得啱啱好唔會太熟，檸檬泡沫好特別另一個系焗車打芝士，煙肉大傘姑，大姑烤煮適中，外少少烤香，好多姑汁湧出嚟！餐湯係牛肝菌湯、非常香濃牛肝菌，而蟹肉粟米茸湯味道好清新而且食到粒粒香甜粟米，主角主菜：烤紐西蘭有骨肉眼12安士$318，order五成熟，控制火候啱啱好，牛味重丶冇筋。三色果仁焗紐西蘭BB羊仔鞍，檸檬🍋芥末$248，七成熟，本身羊仔鞍肉質嫰身，吾So，配合酸甜嘅醬汁好開胃！可以加$58頭盤、湯、甜品（是日甜品係檸檬🍋芝士蛋糕🍰）、茶，我另外轉左個甜品，雲呢拿雪糕配自家製蘋果批，個蘋果批推介之一，蘋果批係外脆內鬆，香甜鬆脆，一層層酥皮，冷熱口感！