Video
Read full review
2016-02-02
352 views
睇到D相，係咪好難想像呢度係工廠區既Food Court呢？無錯，呢度的確係Food Court入面既一間食肆。朋友響荔枝角返工，今日得閒去探班。一場黎到，有乜好野食先？朋友笑嘻嘻，帶左我黎呢間Pati by Lassana。哦~~我認得你，之前去油塘食$88三層下午茶既餐廳，咪叫Spade by Lassana囉？原來係兩兄弟黎既。望望個午餐餐牌先，一人自選午餐，可以揀一款主菜(Ribs/ 燒春雞 / 麵包)、一款配菜、一款沙律，包一杯咖啡或茶，都只係$63，見到呢個價錢，我簡直感動到想喊，平時響尖沙咀，六十幾蚊只可以食碗麵咋。花多眼亂，叫咩好？雖然牛角酥都好吸引，但兩隻食肉獸，主食都係揀左Ribs同春雞 (同埋師奶仔心態，有骨落地抵D既)；配菜叫左焗薯同蟹餅；沙律就係Caesar Salad同蘋果沙律。首先講沙律，Caesar Salad既蔬菜好新鮮，爽口，有青菜既天然甜味；蘋果沙律仲正，青紅蘋果都清甜，造型又靚，加埋沙律醬既酸甜，滿分。配菜係煙肉碎沙律蛋焗薯，呢個配搭基本上已經係無得輸，再睇就係材料同師傅功力。煙肉碎焗得脆口；沙律蛋夠蛋香；薯仔有香濃薯味，夠滑。個蟹餅係必食推薦，
朋友響荔枝角返工，今日得閒去探班。一場黎到，有乜好野食先？朋友笑嘻嘻，帶左我黎呢間Pati by Lassana。哦~~我認得你，之前去油塘食$88三層下午茶既餐廳，咪叫Spade by Lassana囉？原來係兩兄弟黎既。
望望個午餐餐牌先，一人自選午餐，可以揀一款主菜(Ribs/ 燒春雞 / 麵包)、一款配菜、一款沙律，包一杯咖啡或茶，都只係$63，見到呢個價錢，我簡直感動到想喊，平時響尖沙咀，六十幾蚊只可以食碗麵咋。
花多眼亂，叫咩好？雖然牛角酥都好吸引，但兩隻食肉獸，主食都係揀左Ribs同春雞 (同埋師奶仔心態，有骨落地抵D既)；配菜叫左焗薯同蟹餅；沙律就係Caesar Salad同蘋果沙律。
首先講沙律，Caesar Salad既蔬菜好新鮮，爽口，有青菜既天然甜味；蘋果沙律仲正，青紅蘋果都清甜，造型又靚，加埋沙律醬既酸甜，滿分。配菜係煙肉碎沙律蛋焗薯，呢個配搭基本上已經係無得輸，再睇就係材料同師傅功力。煙肉碎焗得脆口；沙律蛋夠蛋香；薯仔有香濃薯味，夠滑。個蟹餅係必食推薦，入面唔係真正既蟹肉，而係蟹柳，不過我好鍾意，個味道調校得好好，外皮亦煎得香脆。
主菜Ribs，唔駛講啦，一個字：抵食！出去餐廳食一份Ribs最少都百幾，呢塊我數過有五條骨，分量絕對唔少，BBQ醬汁夠香濃，肉質夠嫰滑，以後唔駛再去捱貴Ribs啦；春雞又係我飛佛，外皮燒得香脆，有濃濃既香草味，雞肉一D都唔嚡，連雞胸都係滑既，好好味！唔怪得出面得番兩隻咁少，手快有手慢無呀老友。
食到呢度，其實已經好滿足，但我仲未食甜品喎！記得上次去Spade by Lassana，個Creme Brulee Cheese Cake做得好好，今日兩個癲婆都黎一個。嗯，依然保持水準，面層係甜甜脆脆既焦糖，入面係香滑既芝士蛋糕。好啦，今次真係大滿足啦，又平又好味，下次一定要再黎！Post
