小火焰韓式咖啡廳 (觀點中心) (Closed)

朋友突然之間好想食韓仔野，見佢平時又咁鍾意韓國嘢，決定就陪佢食下韓國菜啦。搵下附近睇吓有冇啲特色嘅韓國菜，結果發現除咗尖沙咀韓國街之外，觀塘呢邊有啲睇落去都幾靚嘅韓國餐廳，於是就過嚟試吓啦。喺apm行過少少就到呢度。只不過佢道門痴左啲好暗嘅玻璃貼喺門口，一睇落去以為佢閂左門冇開門添。好在大膽啲推開道門，係有開門嘅！👻👻除咗有普通單叫每一個菜之外，其實佢仲有套餐嘅，包括有二人四人同六人套餐。咁我哋就叫咗一個二人套餐啦，其實都幾多嘢食有沙律，小食，仲有一個鍋，主食同埋甜品，嘢飲。結果食完真係飽到上心口😂😂😂我哋叫咗一個黑醋烤韓國豬肉餅，泡菜肥牛炒粉絲，嘢飲就叫咗個白桃乳酸特飲。呢個白桃乳酸特飲我覺得佢最好嘅地方就係唔會太甜，因為其實我好怕佢落好多糖漿，一飲落口係嗰種死甜嘅味道，但係呢一個唔會呀！有好香嘅白桃味，就算唔飲酒，飲呢一個配嘢食都十分足夠😀跟住就黎左個小食黑醋烤韓國豬肉餅。其實一開頭我有少少擔心佢會唔會好酸，因為見佢個汁只係用黑醋。好彩上到嚟食嘅時候一啲黑醋嘅酸味都食唔到啊，反而可能因為佢係用烤嘅呢一個辦法黎烹調，成舊豬肉餅好香，而且只有四舊，兩個人分每人食到兩舊，份量啱啱好，用黎