Video
Read full review
2021-11-08
273 views
一早聽過朋友介紹呢間coffee shop，但略嫌唔就腳，所以一直冇嚟到，有次星期六晏晝去咗，但條隊排到出面，所以就咁買杯iced mocha 就走咗。連杯take away都咁出色，飲完更加的起心肝想嚟多次，所以今次就選擇平日嘅朝早嚟，成間舖得我哋，任影唔嬲~（靜靜雞話比大家知，我哋嗰日係間舖影左成百幾二百張相呀omg！）餐廳style係工業風，店主保留咗前身嘅石屎表面，冇再裝修，但加入咗韓系傢俬入去，令成件事好modern。另外，店主為咗保留空間感，只係設有一張大枱（4人）加幾張細枱(2人）喺室內，同兩三張枱係室外。想坐入去食嘅朋友仔就要早少少嚟啦！餐廳內設有獨立洗手間，冇記錯嘅話個洗手液係Aesop，有驚喜！📍Cafe Mocha (hot) $40 ☕️價錢 9/10味道 10/10So far 飲過最好飲嘅mocha！朱古力味濃而不燥，唔會好似starbxxxx咁飲完會有喉嚨痛嘅感覺，佢隻濃又唔會係苦，反而係帶少少甜。表面有層朱古力粉+foam，飲落去會更加棉滑同帶多陣奶香味。咖啡唔澀，細飲會dep到咖啡香味。一路飲一路唔捨得飲完，十分強推！📍Cafe Latte (iced)
餐廳style係工業風，店主保留咗前身嘅石屎表面，冇再裝修，但加入咗韓系傢俬入去，令成件事好modern。另外，店主為咗保留空間感，只係設有一張大枱（4人）加幾張細枱(2人）喺室內，同兩三張枱係室外。想坐入去食嘅朋友仔就要早少少嚟啦！
餐廳內設有獨立洗手間，冇記錯嘅話個洗手液係Aesop，有驚喜！
📍Cafe Mocha (hot) $40 ☕️
價錢 9/10
味道 10/10
So far 飲過最好飲嘅mocha！朱古力味濃而不燥，唔會好似starbxxxx咁飲完會有喉嚨痛嘅感覺，佢隻濃又唔會係苦，反而係帶少少甜。表面有層朱古力粉+foam，飲落去會更加棉滑同帶多陣奶香味。咖啡唔澀，細飲會dep到咖啡香味。一路飲一路唔捨得飲完，十分強推！
Cafe Mocha
$40
14 views
0 likes
0 comments
📍Cafe Latte (iced) $30 ☕️
價錢 10/10
味道 9/10
成日好怕飲凍飲會搞到成杯嘢水汪汪，但呢杯又唔會，佢自帶少冰效果之餘，店員亦好貼心，怕飲品凍會出倒汗水，所以再額外用個紙杯盛住杯凍飲。呢杯latte一飲落去係好香嘅奶味，之後就迎來香濃嘅咖啡味，成件事好綿滑，唔會苦，但奶又唔會太搶，黃金比例，又係強推！
Cafe Latte
$30
12 views
0 likes
0 comments
📍Vanilla Ice Cream Croffle $60 🧁
價錢 8.5/10
味道 10/10
Croffle = croissant + waffle
重中之重！第一次食Croffle，未食過咁正嘅甜品！
餐廳將牛角包放入waffle機到夾，變成一塊用牛角包做嘅waffle。一般waffle比人感覺好飽，但呢個Croffle做到又脆又香又軟熟！平時牛角包最好食係頭尾兩角，勝在夠脆，但今次呢個Croffle搭上waffle機嘅坑紋今到啖啖都咁香脆。熱辣辣嘅Croffle配大大舊vanilla雪糕，雪糕慢慢融化喺Croffle嘅表面，再滲透落Croffle內，冰火交融，好鬼好食！完全完全唔捨得食哂之下，都可以一分鐘內清盤！
Vanilla Ice Cream Croffle
$60
14 views
0 likes
0 comments
📍Blueberry Cream Cheese Croffle $60
價錢 7.5/10
味道 7/10
呢個係有次再去食，但因為take away，冇得叫vanilla ice cream croffle，店員就推介呢個。呢個更加食得出Croffle嘅原味，因為藍莓醬同cream cheese都唔係比得好多。cream cheese嘅少少咸咸哋撞Croffle個人覺得一般，淨食Croffle可能仲好食。呢個冇咗vanilla ice cream Croffle個衝擊咁大，所以相對上驚喜不大。
💌總結
小編打到呢到個肚已經打哂鼓，自從食完第一次之後，真係忍唔住每個星期都去嘆一次咖啡！場內打卡位有n咁多，想打住卡咁嘆咖啡就最好簡平日嘅朝早嚟啦！
Post
