牛扒先生 (Closed)

同男友去食晚飯,見佢裝修都幾好,又有蠟燭咁,就諗住試下...點知,佢係間唔多掂既餐廳!點左菜之後見到有盞燈冇左燈罩冇replacement,心諗一係管理不善,一係就冇錢整,間餐廳好極有限...第二,女廁水喉壞左冇水洗手!!! 要用桶入面裝住既水洗,又唔通知客,要問經過既職員先知水喉壞左! (可能係年初四,冇人整?) 不過印象分大打折扣! 全程我冇用手接觸任何食物,因為唔知d水乾唔乾淨呀!講番食物,肉類既食物全部O係煮之前冇調味,全部得黑椒味! 你既食物優質就唔駛調味都好食,本身冇咩肉味就會好難食! 叫左2個自選套餐,一口蜜糖雞翼,雞完全冇味,又冇蜜糖味,俄羅斯沙律即係薯仔沙律(仲要係快餐店水平)... 餐包個面勁多油又硬...牛扒冇肉味,豬扒又係冇肉味,得黑椒味,蝦又唔新鮮!!甜品我叫既士多啤梨瑞士卷OK既,男友叫既芒果奶凍就麻麻地! 飲品有得揀朱古力本來都幾開心,不過又係淡而無味既...究竟個廚師係唔係放左假?咁既水準,仲有冇人會去第2次??唯一OK既只係侍應既服務同個瑞士卷!